Tanlovda ishtirok etish uchun quyidagilar taklif qilinadi:
Barcha turdagi mehmonxonalar, ayrim nominatsiyalar bo'yicha – mehmonxona va zanjir mehmonxonalar rahbarlari, shuningdek, jismoniy shaxslar ham ariza topshirishlari mumkin. "Yil ta'minotchisi" nominatsiyasi bo'yicha Horeca sanoatida faoliyat yurituvchi tovarlar va xizmatlar etkazib beradigan kompaniyalar ishtirok etadilar.
Mukofot auditoriyasi:
Mukofot zanjir va yakka tartibdagi mehmonxona rahbarlarini, bosh menedjerlar, xalqaro tarmoqlar bosh direktorlari, mehmonxona operatorlari, ekspertlar, maslahatchilar, jamoat va ixtisoslashtirilgan tashkilotlarni birlashtiradi.
Uslubi va nominatsiyalari:
Mehmonxonalar tanlovda ishtirok etish uchun mustaqil ravishda ariza topshiradilar. Nomzodlar soni cheklanmagan. Mehmonxonalar ro'yxatdan o'tganlaridan so'ng nominatsiya profilini inobatga olgan holda maxsus taqdimot yaratadilar, shuningdek, hakamlar hay'ati tomonidan mehmonxonalarni baholashlari uchun qo'shimcha materiallar ham taqdim etadilar. Hakamlar hay'ati bahosi nomzodning yakuniy natijasining 50% ni tashkil qiladi. Baholash E-mehmon , silkroad tizimi hamda xalqaro va mahalliy onlayn-bronlash tizimi reytingi asosida amalga oshiriladi.
O'zbekiston Respublikasi hududida 30 kundan ortiq faoliyat ko'rsatgan barcha mehmonxonalar tanlovda ishtirok etish uchun ariza berishlari mumkin. Tanlovda nomzodlar soni cheklanmagan.
Mehmonxonalar tanlovda qatnashishlari uchun ariza topshirishlari shart.
Tanlovda qatnashish uchun ariza topshirish quyidagilarni nazarda tutadi:
Mehmonxonaning tanlov qoidalariga amal qilishi;
Mehmonxona tomonidan tanlov doirasida taqdim etiladigan matnli va grafikli ma'lumotlardan foydalanishga ruxsat berilganligi.
Ishtirok etish uchun arizalar 2021 yil 15 avgustdan qabul qilinadi. Ariza to'ldirgandan so'ng, shaxsiy kabinetga kirish uchun login va parol beriladi.
Tashkilotchilarga taqdim etiladigan taqdimot va qo'shimcha materiallar ariza to'ldirilgandan so'ng 10 kun ichida mehmonxonaning shaxsiy kabinetida taqdim etilishi kerak.
Mehmonxona bitta nominatsiya bo'yicha nomzod bo'lishi mumkin.
Hakamlar hay'ati uchun barcha ma'lumotlar rus tilida, taqdimot shaklida, har bir ishtirokchining kabinetida alohida parol va login bilan taqdim etiladi.